ეკონომიკა
26/06/2020

პრემიერი: გამოწვევის ეკონომიკა უნდა ვაქციოთ შესაძლებლობების ეკონომიკად

პრემიერ-მინისტრმა, გიორგი გახარიამ კიდევ ერთხელ ისაუბრა იმაზე, თუ როგორ უნდა გამოიყენოს საქართველომ გლობალური კრიზისი და პანდემია შესაძლებლობად.

„ქვეყანას აქვს სტრუქტურული ეკონომიკური ნაკლოვანებები. პირველ რიგში, ეს ჩვენი მიმდინარე ანგარიშის ბალანსია. ჩვენი ქვეყნის ეკონომიკის შემდგომი დივერსიფიცირება. ხშირად გვესმის, რომ ტურიზმი არ უნდა იყოს ძირითადი, ინდუსტრიუალიზაცია არ უნდა იყოს ძირითადი, ტრანსპორტი არ უნდა იყოს ძირითადი. ეს ყველაფერი, რა თქმა უნდა, გასათვალისწინებელია, მაგრამ ამავდროულად ყველას კარგად უნდა გვესმოდეს, რომ გლობალურმა ეკონომიკურმა კრიზისმა, რომელიც გლობალური პანდემიიდან გამომდინარეობს, რეალობა შეცვალა. დღეს გლობალური ეკონომიკა იცვლება ამიტომ გვაქვს შესაძლებლობა, რომ ქართული ეკონომიკა გამოწვევის ეკონომიკიდან გავხადოთ შესაძლებლობების ეკონომიკად“,- აღნიშნა პრემიერმა.

დღეს გიორგი გახარია პარლამენტში პრემიერ-მინისტრის რანგში პირველ წლიურ ანგარიშს წარადგენს.

ბიზნესპარტნიორი