ახალი რეკორდი - ჯეფ ბეზოსის ქონებამ 172 მილიარდს მიაღწია

პლანეტის უმდიდრესი ადამიანი კიდევ უფრო გამდიდრდა - Bloomberg Billionaires Index -ის რეიტინგით, ბეზოსის ქონებამ 172 მილიარდ დოლარს მიაღწია. მხოლოდ წლის დასაწყისიდან მას  56.7 მილიარდი აქვს გამომუშავებული.

Amazon-ის დამფუძნებელის ქონების წინა რეკორდული ნიშნული  167.7 მილიარდი იყო, რომელიც 2018 წლის 4 სექტემბერს დაფიქსირდა.

ქონების ზრდა Amazon-ის აქციების გაძვირებას უკავშირდება. 1 ივლისის ვაჭრობაზე 4.4%-იანი ზრდის შემდეგ, 1 ცალის ფასმა 2 878.7 დოლარი შეადგინა. ბეზოსს კომპანიის 11% ეკუთვნის.

Bloomberg -ის შეფასებითვე, ბეზოსის ყოფილი მეუღლის ქონება 56.9 მილიარდია. მაკენზი Amazon-ის აქციების 4%-ს ფლობს.

Comparisun -ის ანალიტიკოსები არ გამორიცხავენ, რომ 2026 წლისთვის ბეზოსი გახდეს პირველი ადამიანი, რომელსაც 1 ტრილიონზე მეტის ქონება ექნება.