ბიზნესი
23/06/2022

საქართველოში დამზადებული კომპოზიტური არმატურა შესაძლოა ლიეტუვასა და ლატვიაში გაიყიდოს

კომპოზიტური (მინაპლასტიკური) არმატურის მწარმოებელი კომპანია „ინტრეკ ჯორჯიას“  პროდუქციით სომხეთის და ისრაელის შემდეგ, ლიეტუვა და ლატვია დაინტერსდა.

როგორც „ბიზნესპარტნიორთან“ კომპანიის დამფუძნებელი რომა ფირცხალავა აცხადებს, ამ დროისთვის  ექსპორტზე  „ინტრეკ ჯორჯიას“  მიერ წარმოებული პროდუქციის მხოლოდ 5%-ი გადის.

„დღეს ტრანსპორტირება ძალიან გაძვირებულია. ნედლეული 100%-ით ჩინეთიდან შემოგვაქვს, ლოჯისტიკა ძალიან ძვირია. ექსპორტის განხორციელებას ეს ფაქტორიც აფერხებს,“-აცხადებს ფირცხალავა.

მისი ინფორმაციით, „ბაზისის“ ბრენდით წარმოებული პროდუქცია საერთაშორისო ბაზარზეც ისეთივე კონკურენტუნარიანია, როგორც ადგილობრივ ბაზარზე.

„ფასითაც კონკურენტულია, რადგან ნედლეულს პირდაპირ მწარმოებლისგან ვყიდულობთ. აღსანიშნავია, რომ ლოჯისტიკის ხარჯები ტრანსპორტირებას პრობლემატურს ხდის. შესაბამისად, მოგვიწია არმატურის ფასის ზრდა. გასულ წელს ჩინეთიდან 1 კონტეინერის გადაზიდვა  $2000 ღირდა, ახლა მისი ფასი $10 000-მდეა გაზრდილი. გაძვირდა ნედლეულიც,“-აცხადებს ფირცხალავა.

მისი განცხადებით, საწარმოს სრული წარმადობა 24 საათში დაახლოებით 100 000 მეტრია, ამ ეტაპზე კი  კომპანია 25 000 – 30 000 მეტრ არმატურას აწარმოებს.

როგორც ფირცხალავა აღნიშნავს,  მინაპლასტიკური არმატურა „ბაზისის“ რეალიზაცია ხდება როგორც ადგილზე, ისე სხვადასხვა სამშენებლო ჰიპერმაკეტებსა და ბაზრობებზე.

კომპანიის დამფუძნებელი რუსეთ-უკრაინის ომის გავლენაზეც საუბრობს და აცხადებს, რომ  მინაპლასტიკური არმატურის მწარმოებელ კომპანია „ინტრეკ ჯორჯიას“  გაყიდვები შეუმცირდა.

„მიუხედავად იმისა, რომ პანდემიის შემდეგ ზრდის ტენდენცია გამოჩნდა, ომის პრობლემებმა ძალიან შეგვაფერხა. მოლოდინი პოზიტიური გვაქვს. საკმარისია ეს ყველაფერი  დასტაბილურდეს, რომ ეჭვგარეშეა, ყველაფერი ძალიან პოზიტიურად განვითარდება,“-აცხადებს ფირცხალავა. 

კომპანიამ „ინტრეკ ჯორჯია“  მინაპლასტიკური არმატურის წარმოება  2014 წელს დაიწყო. კომპანიის საწარმო თბილისში, გლდანში მდებარეობს.

 

 

 

 

Businesspartner

მთავარი სიახლეები

სტარტაპი

Bitnet – ქართული კრიპტო სტარტაპი, რომელმაც საერთაშორისო ინვესტიციები მოიზიდა
01

22/06/2022
ბიზნესი

საქართველოში დამზადებული კომპოზიტური არმატურა შესაძლოა ლიეტუვასა და ლატვიაში გაიყიდოს
02

23/06/2022
ტურიზმი

სასტუმრო Lentekhi Mountain Inn გაფართოებას და სოფლის ტურიზმის განვითარებას გეგმავს
03

21/06/2022
ტექნოლოგიები

SpaceX საქართველოში STarlink-ის თანამგზავრული სისტემებით ინტერნეტის მიწოდებას გეგმავს
04

21/06/2022
სოფლის მეურნეობა

1.3 მლნ ლარით დაფინანსებულ 15 ბაღში ნერგების 100% გამხმარია - აუდიტის ანგარიში
05

20/06/2022
ბიზნესი

რა ღირს საქართველოში "ინტერის" საფეხბურთო აკადემიაში სწავლა და როგორ ხდება რეგისტრაცია
06

15/06/2022