ბიზნესი
25/09/2020
ტურისტებისთვის COVID-დაზღვევა შესაძლოა სავალდებულო გახდეს
საქართველოში შესაძლოა, ტურისტებისთვის სავალდებულო კოვიდ-დაზღვევა ამოქმედდეს, - საკითხთან დაკავშირებით მუშაობა დაწყებულია.
როგორც დაზღვევის ზედამხედველობის სამსახურის უფროსმა განაცხადა, მოლაპარაკებები მთავრობასთანაც მიმდინარეობს.
"ეს არ არის მარტივი პროდუქტი. ბევრი ტექნიკური დეტალი და ნიუანსია გასათვალისწინებელი. არაერთი უწყება არის ჩართული პროცესში," - განაცხადა დავით ონოფრიშვილმა.
მისივე განმარტებით, ამ ეტაპზე რთულია იმის პროგნოზირება თუ როდიდან შეიძლება ამოქმედდეს სავალდებულო კოვიდ-პაკეტები.
