2031 წლისთვის ენერგოსისტემის 18% განახლებადი ენერგიით უნდა შეივსოს

2031 წლისთვის საქართველოს ენერგოსისტემის 18% ქარის და მზის ელექტროსადგურების წარმოებული ელექტროენერგიით უნდა შეივსოს,- აღნიშნულს გადამცემი ქსელის განვითარების ახალი ათწლიანი გეგმა ითვალისწინებს.

არსებული პროგნოზით, ათ წელიწადში საქართველოს ენერგოსისტემის დადგმული სიმძლავრე 2,2-ჯერ უნდა გაიზარდოს და 10 389 მეგავატს უნდა მიაღწიოს, აქედან 4288 მგვტ მარეგულირებელი ჰესების სიმძლავრე იქნება, 2900 მგვტ მოდინებაზე მომუშავე ჰესების.

ჯამში ჰესების წილი ჯამურ დადგმულ სიმძლავრეში 69% უნდა იყოს. 1330 მგვტ იქნება ქარის სადგურების, ხოლო 520 მგვტ მზის სადგურების სიმძლავრე, 110 მგვტ აირტურბინების, ხოლო 1248 მგვტ მაღალი ეფექტურობის მქონე კომბინირებული თბოელექტროსადგურების.

პროგნოზით, საქართველოში ელექტროენერგიის მოხმარება ყოველწლიურად დაახლოებით 5% -ით უნდა გაიზარდოს.