ენერგეტიკა
07/02/2023

დავით ნარმანია აზიის განვითარების ბანკის წარმომადგენლებს შეხვდა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია აზიის განვითარების ბანკის  (ADB) წარმომადგენლებს შეხვდა. შეხვედრაზე განიხილეს მწვანე წყალბადის განვითარებისათვის სტრატეგიის შემუშავების, ენერგოდამგროვებელი მოწყობილობების რეგულირების საკითხები, იმსჯელეს ენერგეტიკის სექტორში არსებულ გამოწვევებსა და გადაჭრის გზებზე.

„საინტერესო და პროდუქტიული იყო შეხვედრა აზიის განვითარების ბანკის წარმომადგენლებთან, განვიხილეთ ენერგეტიკის სექტორის განვითარების პოტენციალი და არსებული მდგომარეობა. დაინტერესება საქართველოს ენერგეტიკის სექტორის მიმართ საკმაოდ მოცულობითია. სემეკი აქტიურად თანამშრომლობს სხვადასხვა საერთაშორისო, დონორ ორგანიზაციებთან. ჩვენთვის მნიშვნელოვანია მათი ჩართულობა საქართველოს ენერგეტიკის სექტორის განვითარებაში.   “ - აღნიშნა დავით ნარმანიამ.

სემეკში აზიის განვითარების ბანკთან  გამართულ შეხვედრას დავით ნარმანიასთან ერთად ესწრებოდნენ კომისიის აპარატის წარმომადგენლები.

Businesspartner

მთავარი სიახლეები