გვენეტაძემ სასესხო რეგულაციების შემსუბუქებაზე განაცხადა
კობა გვენეტაძემ სამომხმარებლო სესხების შემსუბუქება ოთხშაბათის მპკ-ზე დაადასტურა, თუმცა ივლისამდე მაინც არსებული რეჟიმი შენარჩუნდება - მაქსიმალური ვადა 3 წელი დარჩება.
ბაზარი არაუზრუნველყოფილი კრედიტის 4 წლამდე დაგრძელვადიანებას ზაფხულისთვის ელის, დამოკლებიდან 1 წლის თავზე.
დაკრედიტების შენელებაზე კობა გვენეტაძემ მპკ-ს შემდეგ განაცხადა. მანამდე კი ბევრჯერ აღნიშნა,რომ ახლა, პროგნოზებზე მნიშვნელოვანი მიმდინარე მონაცემების ანალიზია.
ასე რომ რეგულაციებიც ინფლაციის მართვის პროცესშია ჩართული ამის საჭიროება მაშინ დგება როცა მპ-ის ცვლილება არაეფექტურია. სამომხმარებლო სესხების 3 წლამდე დამოკლევადიანებაც (აგვისტოში) ამას ემსახურებოდა. მანამდე, სავალუტო იპოთეკის ვადა დამოკლდა 10 წლამდე, რაც რეკალიბრაციას არ დაექვედებარება, რადგან ლარიზაციის პრიორიტეტულობა უფრო გრძელვადიანია.
სამომხმარებლო სესხების 3 წლამდე დამოკლების მიზანი სებ-ის მაკროეკონომიკის და სტატისტიკის დეპარტამენტმა მაშინათვე განმარტა. რეგულაციას მთლიანი დაკრედიტების შენელებაში 1%-იანი წვლილი უნდა შეეტანა.
სებ-ის ინტერაქტიული სტატისტიკით, აგვისტოდან (რეგულაცია 15 აგვისტოს შევიდა ძალაში) დაკრედიტების ტემპი (წლიური ზრდა) 15%-ით (2.5%პ -ით) შემცირდა.
აგვისტოს ეს რეგულაცია და მისი 5-თვიანი ეფექტი სებ-ის წინდახედულობაა თუ გლობალური არაპროგნოზირებადობა, ამის შეფასებაც რთულია, რადგან ასევე ჭირს პროგნოზი, რა იქნებოდა რეგულაციის გარეშე.
ნუ მთავარია, რომ რეკალიბრაციის შესაძლებლობა არის.