ფინანსები
17/07/2020
იპოთეკური სესხების გაცემა მკვეთრად გაიზარდა
თიბისი კაპიტალის მონაცემებით, ბოლო ერთ კვირაში იპოთეკურ სესხებში ზრდამ წ/წ 30%-ს მიაღწია, კურსის ეფექტის გამორიცხვით, ხოლო იანვარ-თებერვალში საშუალოსთან შედარებით ზრდა 28%-ია.
თიბისი ბანკში სუბსიდირებული სესხების გაცემა 6 ივლისს დაიწყო და 15 ივლისის მდგომარეობით ამ პერიოდში გაცემული იპოთეკური სესხების 26% სახელმწიფო პროგრამის ბენეფიციარი იყო.
საინვესტიციო კომპანიის ცნობით, სუბსიდირების ეფექტი ჩანს თიბისი ბანკში იპოთეკური სესხების აპლიკაციებში, რომელთა წლიური ზრდა პოზიტიური თვის დასაწყისში გახდა და 14 ივლისის მდგომარეობით +28% შეადგინა, ხოლო წინა დღეებში უფრო მაღალ ნიშნულსაც მიაღწია.
ბანკის ცნობით, აპლიკაციების დიდი ნაწილი ჯერ კიდევ დასამტკიცებელია, რაც იპოთეკის სამომავლო ზრდის მანიშნებელია ამავდროულად თბილისში ბინების გაყიდვის რეგისტრაციის ზრდის 7 დღის მაჩვენებელი სტაბილურობას ინარჩუნებს და 9 ივლისით წ/წ -26%-ს შეადგენს.
