ფარელ უილიამსი Louis Vuitton-ის მამაკაცის ხაზის კრეატიული დირექტორი გახდა
ფარელ უილიამსი Louis Vuitton-ის მამაკაცის ხაზის კრეატიული დირექტორი გახდა - ამის შესახებ ინფორმაცია მოდის სახლმა Twitter-ზე გამოაქვეყნა.
ცნობილმა ფრანგულმა ბრენდმა Louis Vuitton-მა მამაკაცის ტანსაცმლის კრეატიულ დირექტორად არაერთი გრემის მფლობელი პროდიუსერი, რეპერი, მომღერალი და კომპოზიტორი ფარელ უილიამსი დაასახელა.
უილიამსის პირველი კოლექცია ლეიბლისთვის ივნისში, პარიზში, მამაკაცის მოდის კვირეულზე იქნება ნაჩვენები.
"2004-2008 წლებში Louis Vuitton-ისთვის ჩვენი თანამშრომლობის შემდეგ, მოხარული ვარ და მივესალმები ფარელის სახლში დაბრუნებას, როგორც მამაკაცის ხაზის კრეატიული დირექტორი. მისი შემოქმედებითი ხედვა მოდის მიმართ Louis Vuitton-ს ახალი და ძალიან ამაღელვებელი დასაწყისისკენ მიიყვანს,"- განაცხადა Louis Vuitton-ის თავმჯდომარემ და აღმასრულებელმა დირექტორმა პიეტრო ბეკარიმ.
შეგახსენებთ, Louis Vuitton მსოფლიოში ერთ-ერთი წამყვანი საერთაშორისო მოდის სახლია. ის არის LVMH-ის ნაწილი.
ფარელ უილიამსი ასევე არის ქუჩის ტანსაცმლის ბრენდის Billionaire Boys Club-ის თანადამფუძნებელი, რომელიც იაპონელ დიზაინერ ნიგოსთან ერთად 2003 წელს დააარსა.
ის თანამშრომლობდა სპორტული ტანსაცმლის გიგანტ Adidas-თან და ძვირადღირებულ ბრენდებთან, როგორიცაა Moncler და Chanel. ასევე მუშაობდა Louis Vuitton-ის დიზაინერ მარკ ჯეიკობსთან ერთად სათვალეების დიზაინზე.
გრემის გარდა, ფარელ უილიამსი ნომინირებული იყო ოსკარზე სიმღერისთვის Happy, რომელიც იყო ანიმაციური ფილმის Despicable Me 2-ის საუნდტრეკის ნაწილი.
