მსოფლიო
23/05/2022

IMF: მთავრობებმა საკვებისა და ენერგიის ხარჯები უნდა დაასუბსიდირონ

საერთაშორისო სავალუტო ფონდში ფიქრობენ, რომ გლობალურად, მთავრობებმა მათი ყველაზე ღარიბი მოქალაქეებისთვის საკვებისა და ენერგიის ხარჯები უნდა დაასუბსიდირონ.

IMF-ის ხელმძღვანელმა, კრისტალინა გეორგიევამ ამის შესახებ BBC-სთან განაცხადა. მისივე თქმით, საკვებისა და ენერგიის გაზრდილი ხარჯების გამო საზოგადოების მოწყვლადი ფენა მძიმე ეკონომიკური კრიზისის წინაშე დგას. 

"არსებობს ორი პრიორიტეტი, ერთი ძალიან ღარიბი ხალხი, საზოგადოების სეგმენტი, რომელიც ახლა საკვებისა და ენერგიის მაღალ ფასებთან იბრძვის. მეორე, უნდა დავეხმაროთ ბიზნესებს, რომლებიც უკრაინაში მიმდინარე ომის გამო ყველაზე მეტად დაზარალდნენ",- აღნიშნა გეორგიევამ ბრიტანულ გამოცემასთან. 

გლობალურად შექმნილი ეკონომიკური კრიზისის ორი მთავარი მიზეზი კორონა ვირუსის პანდემია და რუსეთ-უკრაინის ომია. სწორედ ეს მოვლენები არაერთ განვითარებულ ქვეყანაში ინფლაციის რეკორდული მაჩვენებლების საფუძველი გახდა. BBC-ის ინფორმაციით, წლიური ინფლაცია დიდ ბრიტანეთში 9%-ია, 8.3% ამერიკაში, ხოლო 7.4% ევროზონაში. 

Businesspartner

მთავარი სიახლეები