ირანმა კრიპტოვალუტის მოპოვება ოთხი თვით აკრძალა

ირანმა კრიპტოვალუტის მოპოვება ოთხი თვით აკრძალა.

ირანმა კრიპტოვალუტების მოხმარებაზე აკრძალვა მას შემდეგ გამოაცხადა, რაც ქალაქებში ელექტროენერგია დაუგეგმავად გამოირთო.

BBC-ის ინფორმაციით, პრეზიდენტმა ჰასან როჰანმა მთავრობის სხდომაზე განაცხადა, რომ შეფერხებების ძირითადი მიზეზი გვალვა იყო, რამაც გავლენა მოახდინა ჰიდროელექტროენერგიის წარმოებაზე.

ასევე აღნიშნა, რომ კრიპტოვალუტის მოპოვება, რომლის 85% არ არის ლიცენზირებული, დღის განმავლობაში ძალიან დიდი რაოდენობით ენერგიას ხარჯავს. ამასათან, Bitcoin-ის 4.5% ირანში მოიპოვება.

ანალიტიკური ფირმის Elliptic-ის თანახმად, ეს საქმიანობა ქვეყანას საშუალებას აძლევს სანქციების გვერდის ავლით ასობით მილიონი დოლარი გამოიმუშაოს, კრიპტო აქტივების სახით, რომელთა გამოყენება შესაძლებელია იმპორტირებული საქონლის შესაძენად.