ფოტო: GETTY IMAGES
მსოფლიო
05/04/2021

LG Electronics სმარტფონების ბაზარს ტოვებს

სამხრეთ კორეული ელექტრონული გიგანტი სმარტფონების ბაზარს ტოვებს და ხელოვნური ინტელექტის განვითარებაზე იწყებს ორიენტირებას.

კომპანიამ ჯერ კიდევ იანვარში განაცხადა, რომ სმარტფონების ბიზნესმა 6 წლის განმავლობაში, $4,5 მლრდ-ით აზარალა, გადაწყვეტილებაც ამასთან არის დაკავშირებული.

BBC-ის ინფორმაციით, ამ გადაწყვეტილებას მობილური ტელფონების ბაზრის კონკურენტუნარიანობაც განაპირობებს.

„LG– ს სტრატეგიული გადაწყვეტილებაა, დატოვოს წარმოუდგენლად კონკურენტუნარიანი მობილური ტელეფონის სექტორი, რაც კომპანიას საშუალებას მისცემს ფოკუსირება მოახდინოს სხვა სექტორების ზრდაზე, როგორიცაა ელექტროძრავის კომპონენტები, ჭკვიანი სახლები, რობოტები და ხელოვნური ინტელექტი და ა.შ”, - ნათქვამია განცხადებაში.

სმარტფონების ბიზნესი LG-ს ხუთი განყოფილებიდან ყველაზე მცირეა და შემოსავლის მხოლოდ 7.4%-ია. ამჟამად, მისი გლობალური მობილური ტელეფონების ბაზრის წილი დაახლოებით 2%-ს შეადგენს. LG-ის ტელეფონის ინვენტარი კვლავ იქნება ხელმისაწვდომი და კომპანია უზრუნველყოფს მომხმარებლის მხარდაჭერას და პროგრამული უზრუნველყოფის განახლებას.

აღსანიშნავია, რომ LG- ს მრავალი ინოვაცია ეკუთვნის და ის ჯერ კიდევ მესამე პოპულარული ბრენდია ჩრდილოეთ ამერიკაში. ასევე, LG-ს ტელეფონები საკმაოდ გავრცელებულია სამხრეთ კორეის შიდა ბაზარზე.

კომპანიას სამომხმარებლო ელექტრონიკის ძლიერი ბიზნესი აქვს, რაც მოიცავს საყოფაცხოვრებო ტექნიკას და ტელევიზორებს. LG მსოფლიოში Samsung-ის შემდეგ ყველაზე გაყიდვადი სატელევიზიო ბრენდია.

 

მთავარი სიახლეები

ბიზნესი

"საქართველოს რკინიგზის" დირექტორთა საბჭოში ცვლილებაა
01

11/04/2021
ტურიზმი

ტურისტული კომპლექსი კახეთში - Melaanian Vintage სტუმრების მისაღებად ემზადება
02

09/04/2021
საზოგადოება

ისრაელის კლინიკის ექიმი ვაქცინაციის შედეგებზე: თითქმის ყველა რეგულაცია მოიხსნა
03

15/04/2021
ტურიზმი

კელი დეგნანი: აშშ-სა და საქართველოს შორის პირდაპირ ფრენებზე მოლაპარაკებები უნდა გაგრძელდეს
04

12/04/2021
ბიზნესი

მიხო სვიმონიშვილის შვეიცარიული აგრარული სკოლა პირველ სტუდენტებს სექტემბერში მიიღებს
05

04/03/2021
საზოგადოება

პარლამენტი ავტომობილში არასრულწლოვნის თანდასწრებით თამბაქოს მოხმარების აკრძალვის მომხრეა
06

15/04/2021