ფოტო: GETTY IMAGES
მსოფლიო
05/05/2021

Pfizer–ის შემოსავალი წელს $26 მლრდ-ს მიაღწევს, პროგნოზი უკვე გაფორმებულ ხელშეკრულებებს ემყარება

Pfizer-ის კოვიდ ვაქცინით მკურნალობის შედეგად მიღებული შემოსავალი წელს $26 მილიარდს მიაღწევს, რაც Pfizer-ის გაყიდვების მესამედზე მეტია. BBC-ის ინფორმაციით, პროგნოზი უკვე გაფორმებულ ხელშეკრულებებს ემყარება 1,6 მლრდ ვაქცინის დოზაზე, რომელიც კომპანიამ წელს უნდა გასცეს.

”ვფიქრობთ, რომ გრიპის საწინააღმდეგო ვაქცინების მსგავსად, Covid-19 ვაქცინაზეც ხანგრძლივი მოთხოვნა შენარჩუნდება,”– აღნიშნა კომპანიის აღმასრულებელმა დირექტორმა ალბერტ ბურლამ.

ორსაფეხურიანი ვაქცინა Pfizer-ის ყველაზე გაყიდვადი პროდუქტი იყო პირველ კვარტალში და კომპანიის მოგება, $1,61 მლრდ-დან 2020 წლის პირველ სამ თვეში $4,89 მლრდ-მდე გაიზარდა, რაც 300%-იან ზრდას ნიშნავს და, სავარაუდოდ, Pfizer–ი კიდევ მილიონობით მეტ მოგებას მიიღებს კოვიდის ვაქცინისგან. ვაქცინის ხარჯები და მოგება 50/50 გაყოფილია Pfizer- სა და მის გერმანელ პარტნიორ BioNTech- ს შორის.

„კონკურენტების, AstraZeneca- სგან და Johnson & Johnson-ისგან განსხვავებით, რომლებმაც პირობა დადეს, რომ უარს იტყვიან ვაქცინის მოგებაზე პანდემიის დროს, Pfizer ვაქცინებით ფულის კეთებას გეგმავს,“ – აღნიშნავს მიშელ ფლერი, ჩრდილოეთ ამერიკის ბიზნესის კორესპოდენტი.  

Pfizer-მა ახლახანს გააფორმა ხელშეკრულება დიდ ბრიტანეთთან, 60 მლნ დამატებითი დოზის მომარაგებაზე 2021 წელს. კომპანია ასევე გეგმავს პირველი ორი დოზის მიღებიდან ერთი წლის განმავლობაში ვაქცინის მესამე დოზის გამოყენებას როგორც გამაძლიერებელს, იგი ივლისში აშშ – ს მარეგულირებლისგან საგანგებო სიტუაციების გამოყენების ავტორიზაციის მიღებას ელოდება.

 

Businesspartner

მთავარი სიახლეები