ფოტო: vaalaa / Shutterstock.com
მსოფლიო
10/03/2022

რუსეთი ლიზინგით აღებული ავიახომალდების დაბრუნებას არ აპირებს

რუსეთში იპოვეს გზა, როგორ დაიტოვონ ქვეყანაში ლიზინგით აღებული ავიახომალდები.

რუსული სააგენტო Lenta.ru-ს ინფორმაციით, ქვეყნის ტრანსპორტის სამინისტრომ შეიმუშავა დადგენილების პროექტი, რომლის მიხედვით, თვითმფრინავის დაბრუნებისთვის საჭიროა იმპორტის ჩანაცვლების სპეციალური სამთავრობო კომისიის გადაწყვეტილება.

თუ უწყება გადაწყვეტილებას არ მიიღებს ავიაკომპანიას ლიზინგით აღებული ბორტის დატოვება შეეძლება.

დადგენილებაში ნათქვამია, რომ ავიახომალდების მესაკუთრეებს იმ ქვეყნებიდან, რომლებიც რუსეთის მიმართ „არამეგობრულ ქმედებებს“ სჩადიან, ანგარისწორება რუსულ რუბლში შეეძლებათ.

Bloomberg-ის მონაცემებით, უცხოურმა სალიზინგო ფირმებმა რუსული ავიაკომპანიებისთვის მიქირავებული 500-ზე მეტი თვითმფრინავიდან მხოლოდ 20-მდე ხომალდის დაბრუნება მოახერხეს. საავიაციო ანალიტიკური ფირმის, Ishka-ს შეფასებით, ჯერ კიდევ გაურკვევლობაში მყოფი თვითმფრინავების საბაზრო ღირებულება $10,3 მილიარდია.

შეგახსენებთ, უკრაინაში რუსეთის შეჭრის გამო, Boeing-მა რუსული ავიახაზების თვითმფრინავების მომსახურება და ტექნიკური მხარდაჭერა შეაჩერა.

თვითმფრინავის მწარმოებელმა ასევე შეაჩერა სათადარიგო ნაწილების მიწოდება რუსეთში. გარდა ამისა, მოსკოვში Boeing-ის შვილობილის მუშაობაც შეჩერებულია.

Businesspartner

მთავარი სიახლეები

სტარტაპი

Bitnet – ქართული კრიპტო სტარტაპი, რომელმაც საერთაშორისო ინვესტიციები მოიზიდა
01

22/06/2022
ბიზნესი

საქართველოში დამზადებული კომპოზიტური არმატურა შესაძლოა ლიეტუვასა და ლატვიაში გაიყიდოს
02

23/06/2022
ტურიზმი

სასტუმრო Lentekhi Mountain Inn გაფართოებას და სოფლის ტურიზმის განვითარებას გეგმავს
03

21/06/2022
ტექნოლოგიები

SpaceX საქართველოში STarlink-ის თანამგზავრული სისტემებით ინტერნეტის მიწოდებას გეგმავს
04

21/06/2022
სოფლის მეურნეობა

1.3 მლნ ლარით დაფინანსებულ 15 ბაღში ნერგების 100% გამხმარია - აუდიტის ანგარიში
05

20/06/2022
ბიზნესი

რა ღირს საქართველოში "ინტერის" საფეხბურთო აკადემიაში სწავლა და როგორ ხდება რეგისტრაცია
06

15/06/2022