გრიგოლეთი-ქობულეთის შემოვლითი გზის ნაწილის მშენებლობა 2021 წელს დასრულდება
გრიგოლეთი-ქობულეთის შემოვლითი გზის 14.4 კმ-იან მონაკვეთზე გრუნტის სტაბილიზაციის სამუშაოები ხორციელდება. მიმდინარეობს ქვის სვეტებისა და სადრენაჟო ფითილების მოწყობა.
გზის ამ მონაკვეთის მშენებლობა თავდაპირველი გეგმით, 2020 წელს უნდა დასრულებულიყო, თუმცა სამუშაოები დაგეგმილ ვადაში ვერ შესრულდა და დასრულების ახალი თარიღი 2021 წელია.
პროექტი, 4 ზოლიანი ასფალტ–ბეტონის გზის, 22 სახიდე გადასასვლელის, 4 სატრანსპორტო კვანძის, წყალგამტარი მილების და მიწისქვეშა გასასვლელების მშენებლობას ითვალისიწინებს.
პროექტი, გააერთიანებს მიმდინარე და დასრულებულ პროექტებს შავი ზღვის საკურორტო ზონაში და სამტრედიიდან-ჭოროხამდე ჯამში 110 კმ-დე ახალი გზა, საშუალებას მოგვცემს საკურორტო ზონების გვერდის ავლით ჩქაროსნული გზით ვიმგზავროთ.
პროექტის ღირებულება 228 მილიონ ლარს შეადგენს და ევროპის საინვესტიციო ბანკის ფინანსური მხარდაჭერით ხორციელდება.
