საზოგადოება
18/11/2020

მაიკ პომპეომ პრემიერთან საარჩევნო და სასამართლო რეფორმების მნიშვნელობაზე ისაუბრა

აშშ-ს სახელმწიფო მდივანმა საქართველოში ოფიციალური შეხვედრები დაიწყო.

საქართველოში აშშ-ის საელჩოს ინფორმაციით, მაიკ პომპეო პრემიერმინისტრ გახარიასა და საგარეო საქმეთა მინისტრ ზალკალიანს შეერთებული შტატების მიერ საქართველოს ევროატლანტიკური მისწრაფებების მხარდაჭერისა და ქვეყნის დემოკრატიული ინსტიტუტების გაძლიერების საკითხებზე სასაუბროდ შეხვდა.

"სახელმწიფო მდივანმა, ასევე, ყურადღება გაამახვილა საარჩევნო და სასამართლო რეფორმების მნიშვნელობაზე", - ნათქვამია საელჩოს გავრცელებულ განცხადებაში.

პრემიერთან შეხვედრამდე, მაიკ პომპეო საქართველოს პრეზიდენტს შეხვდა. 

"სახელმწიფო მდივან პომპეოსთვის სასიამოვნო იყო პრეზიდენტ ზურაბიშვილთან შეხვედრა ორბელიანის ისტორიულ სასახლეში, სადაც ადრე აშშ-ის საელჩო იყო განთავსებული. შეხვედრაზე სახელმწიფო მდივანმა შეერთებული შტატების სახელით საქართველოს სუვერენიტეტისა და ტერიტორიული მთლიანობისადმი ერთგულება დაადასტურა და გლობალური ტერორიზმის წინააღმდეგ ბრძოლაში შეტანილი მნიშვნელოვანი წვლილისთვის ქვეყნის მიმართ პატივისცემა გამოხატა", - ნათქვამია საელჩოს განცხადებაში.

 

Businesspartner

მთავარი სიახლეები