ბერბუკის თაფლის საწარმო პორტატული ლაბორატორიით აღიჭურვება

გორის სოფელ ბერბუკში თაფლის გადამმუშავებელი საწარმო თაფლის კვლევების პორტატული ლაბორატორიით აღიჭურვება. 

თაფლის კვლევების პორტატული ანალიზატორის სრული კომპლექტის ღირებულება 87 250 დოლარია და ის იაპონიის საერთაშორისო თანამშრომლობის სააგენტომ (JICA), პროექტის „ბიზნესზე ორიენტირებული სასოფლო-სამეურნეო კოოპერატივების მოდელის შექმნა საქართველოში“ ფარგლებში, სოფლის განვითარების სააგენტოს საჩუქრად გადასცა.

თაფლის გადამმუშავებელი საწარმოო ინფრასტრუქტურა კონკურსის შესით შერჩეულ სასოფლო-სამეურნეო კოოპერატივს საკუთრებაში 30% თანადაფინანსებით გადაეცემა.

საწარმო „მეფუტკრეობის სასოფლო-სამეურნეო კოოპერატივების ერთიანი საწარმოო უზრუნველყოფის“ პროგრამის ფარგლებში აშენდა. ის აღჭურვილია თაფლის წარმოების სრული ციკლისათვის საჭირო თანამედროვე სტანდარტებთან შესაბამისი დანადგარებით, სადაც შესაძლებელია დღეში არანაკლებ ორი ტონა თაფლის გადამუშავება და ერთგვაროვანი თაფლის მიღება.

სოფლის განვითარების სააგენტოს დირექტორის, ილია თამარაშვილის განცხადებით, აპარატურა თაფლის გადამმუშავებელ კოოპერაციულ საწარმოში პროცესის სრულყოფილად წარმართვას შეუწყობს ხელს.

„ვაგრძელებთ სოფლის განვითარების სააგენტოსთან თანამშრომლობას, იგეგმება ექსპერტების ვიზიტები. სასოფლო-სამეურნეო კოოპერატივების განვითარების მიმართულებით ხელი შევუწყოთ სააგენტოს საქმიანობას”, - აღნიშნა JICA-ს საქართველოს ოფისის მუდმივმა წარმომადგენელმა, იუკიჰო ეჯირიმ.