გარგარი წელს 7-8-ჯერ ძვირი ეღირება
ფერმერები საქართველოში გარგრის გაძვირებას პროგნოზირებენ. მიზეზად უამინდობით, კერძოდ, ყინვით დაზიანებული გარგრის ბაღები სახელდება.
გურჯაანის რაიონში, რომელიც გარგრის წარმოების მთავარი რეგიონია საქართველოში, გაზაფხულის ყინვების შედეგად პოტენციური მოსავლის 70% განადგურდა.
გარგრის მაღალ ფასს ელიან საერთაშორისო ბაზრებზეც, მიზეზი ამ შემთხვევაშიც უამინდობაა. საფრანგეთში, უზბეკეთსა და ტაჯიკეთში, რომლებიც გარგრის მთავარი მწარმოებლები არიან მოსავალი თითქმის განახევრებულია.
EastFruit-ის სპეციალისტების მონიტორინგის თანახმად, ადგილობრივ ბაზარზე 1 კგ იმპორტირებული გარგარი სუპერმარკეტებში 20-30 ლარი ღირს, საბითუმო ფასი 12-13 ლარია. იმავე EastFruit-ის მონაცემებით გასულ წელს 1 კგ გარგარის საშუალო ფასი 3.6 ლარს შეადგენდა.
პორტალი აღნიშნავს, რომ აპრილის ბოლოსთვის ბაზარზე ძირითადად იმპორტირებული ხილი იყიდება.
