სტერილიზატორი, რომელიც ვირუსებს ანადგურებს - ქართველი სტარტაპერების ინოვაცია

ქართულმა სტარტაპმა ინოვაციური სტერილიზატორი შექმნა.

Bluelight-ის პროექტი საქართველოს ინოვაციებისა და ტექნოლოგიების სააგენტოს მცირე გრანტების პროგრამის ერთ-ერთი გამარჯვებულია.

სამაგიდო სტერილიზატორი მცირე ზომის ნივთებზე ვირუსებს, ბაქტერიებს და სხვა მიკროორგანიზმებს უმოკლეს დროში ანადგურებს. ინდუსტრიული სიმძლვრის, UVC ტალღის გერმიციდული ნათურა და ყველა მხარეზე დამონტაჟებული ამრეკლავები 100%-იან შედეგს 6-12 წამში უზრუნველყოფს.

სინთეტიკური კვარცის დაფა ულტრაიისფერო ნათების გამტარია, შესაბამისად, ნივთის აპარატში ხელმეორედ მოთავსება ან გადაბრუნება საჭირო არ არის. დანადგარი იმპორტირებული მასალებით საწარმო „გარდიში“ აეწყო.

GITA-ს გრანტით იდეის ავტორმა 12 ერთეული შექმნა, რომელთაგან 10 სასაზღვრო პოლიციას, საბაჟოებს და სხვა დაწესებულებებს საჩუქად გადაეცემათ.

„პროტოპიტი შექმნილია, უფრო რთული და შრომატევადი ეტაპები კი ჯერ კიდევ წინ არის. იდეის კომერიცალიზაცია ულტრაიისფერი სტერილიზაციის ნიშის სრულად ათვისებას და სერიული წარმოებისთვის პროდუქტის ნაწილობრივ ცვლილებასაც გულისხმობს,“ - ამბობს Bluelight-ის დამფუძნებელი სანდრო ოქროპირიძე.

ორი სტერილიზატორი ცდისა და ექსპერიმენტირებისთვის მისსავე შემქმნელთან დარჩება, რათა სამომავლოდ ბაზარს უფრო მრავალფეროვანი, ხელმისაწვდომი და არა მხოლოდ კოვიდ- პანდემიაზე მორგებული პროდუქტი დაუბრუნდეს.