ტურიზმი
10/11/2021

ქუთაისის აეროპორტი ოქტომბერში 42 777 მგზავრს მოემსახურა

ოქტომბერში ქუთაისის საერთაშორისო აეროპორტში საჰაერო მიმოსვლის დადებითი დინამიკაა.

საქართველოს აეროპორტების გაერთიანების ინფორმაციით, 2021 წლის ოქტომბერში, ქუთაისის აეროპორტი 42,777 მგზავრს მოემსახურა, მაჩვენებელი პანდემიამდელ, 2019 წლის ოქტომბერთან 48%-ით აღდგა. 

დადებითი დინამიკაა ავიარეისების რაოდენობის აღდგენის თვალსაზრისითაც. ოქტომბერში აეროპორტში რეისების 65% აღდგა და 195 რეისს მოემსახურა (2019 წლის სექტემბერში - 298 რეისი).

ამ ეტაპისთვის, ქუთაისის საერთაშორისო აეროპორტში 3 ავიაკომპანია 11 ქვეყნის 22 მიმართულებით ოპერირებს.

"22 რეისიდან ყაზახეთის 4 და ევროპის 18 მიმართულებით სრულდება. ოქტომბერში დავით აღმაშენებლის სახელობის აეროპორტიდან 166 პირდაპირი რეგულარული რეისი შესრულდა. 31 ოქტომბრიდან ჩვენმა სტრატეგიულმა პარტნიორმა Wizz Air-მა ქუთაისიდან ბარსელონას, ვენისა და ბერლინის მიმართულებით აღადგინა პირდაპირი ფრენები. 15 დეკემბრიდან კი სრულიად ახალი, აბუ-დაბის მიმართულებით დაიწყება ქუთაისის აეროპორტიდან რეგულარული რეისების შესრულება," - განაცხადა საქართველოს აეროპორტების გაერთიანების დირექტორმა თამარ არჩუაძემ.

 

Businesspartner

მთავარი სიახლეები