ტურიზმი
15/06/2020

სასტუმრო სტამბა გაიხსნა, თუმცა ჯერ სტუმრები არ ჩანან

სასტუმრო „სტამბა“ გაიხსნა. როგორც „ბიზნესპარტნიორს“ „აჭარა ჯგუფის“ მმართველმა დირექტორმა ლევან ბერულავამ განუცხადა, სასტუმროს ერთი სართული დღეს გაიხსნა, თუმცა, ჯერჯერობით, ვიზიტორები არ ჰყავს.
 
რაც შეეხება სხვა ობიექტებს, „აჭარა ჯგუფმა“ რეგიონული სასტუმროები 12 ივნისს გახსნა. „რუმს კოხტა“ და „რუმს ყაზბეგი“ უკვე მუშაობენ და ჯავშნების დიდი ნაწილი შაბათ-კვირაზე მოდის.
 
„აჭარა ჯგუფში“ იმედოვნებენ, რომ ზაფხულის პიკში შესვლასთან ერთად, გაიზარდება სასტუმროების დატვირთულობაც.
 
„ალბათ უკვე საზღვრების გახსნის შემდეგ იქნება აქტიურობა დედაქალაქში. ზაფხული მაინც დაბალ სეზონად ითვლება თბილისისთვის, რადგან სტუმრები ამ პერიოდში ძირითადად ზღვას და მთის კურორტებს სტუმრობენ. იმედი გვაქვს რომ სექტემბრიდან მოტხოვნა თბილისის სასტუმროებზეც გაჩნდება,“ - აღნიშნა ლევან ბერულავამ.
Businesspartner

მთავარი სიახლეები